MAC Kosa

Iyan ang tawag ko sa'yo,

dahil kanta ni Mike Kosa ang trip mo.

Tulad niya ang buhay ginawa mong rap,

at ginawa mong mundo ang hiphop.

Malayo man kami sa kinagisnan mong tropa,
na ang mukha ang ginagawang rampa.

Wala man kaming hilig sa gulo,

Pero kung kailangan mo, nandito lang kami hanggang sa dulo.

Ngayon, may kinakaharap kang karamdaman,
Na damang dama ng buo mong katawan.

Alam namin sanay ka na sa sakitan,

Kaya dapat walang wala na sa iyo yan.

Salamat naman at tinalikuran mo na ang bisyo,

Mga gawaing nilalamon ang iyong pagkatao.

Kapag dinaganan ka niyan at sobra ng bigat,

Nandito lang kami para umawat at bumuhat.

Saksakin ka man niyan ng kutsilyo,

O hatawin ng bat sa ulo.

Bugbugin mo rin hanggang madedo,

at manggigil ka sa paghampas at pagpalo!

Alam namin kaya mo,

Gangsta ka di ba?

Kaya dapat kayanin mo!

Batukan ka man ng malakas, ng karamdaman..

Gumanti ka! Dagok naman iyong panlaban.

At kapag naging giyera na ang maliit na rayot,

Asahan mo mananatili ang TK sa likod.

Ngayon mo ilabas lahat ng angas mo sa katawan!

Diyan ka naman magaling sa away at murahan.

Pero, ngayon hindi na tao ang 'yong kalaban,

Kung hindi ang sakit na nararamdaman.

Sige Mac!

Banatan mo ng buong lakas!
Ibalibag mo ng pababa't pataas!

Paiyakin mo ng napakalakas!

Dahil ang Gangsta ganyan lumaban ng patas.

Aminado kaming hindi kami kasing tapang ng TST o BNG,

Hindi rin kasing sikat ng TBS o OPG.

Pero tulad nila, tutulungan ka namin hanggang sa huli,

Di ba ganyan ang solid na kapatiran at batas ng mga O.G?!..

Basta, kaya mo 'yan Mac Kosa,

Tatagan mo lang ang pananampalataya.

Hindi mo man kaya ang magpakabanal,

Basta manalig ka, tutulungan ka ng Maykapal.

At Sana sa susunod nating pagkikita ay Ok ka na..

sa muli mong pag Bounce Mak Kosa, kasama mo pa rin ang TROPAKADA!.