BeYbiTok

Mahirap daw kausapin ang mga bata, mahirap intindihin.. bulol…may sariling words.. may sariling pronunciation…

Pero sa totoo lang masarap sila kausap… marami kang matututunan, kung isa ka sa mga tinutukoy ko na badtrip sa mga batang magulo kausap.. eto, bibigyan kita ng tips.

Siguro kulang ka lang sa strategy o di naman kaya PASENSIYA. =)

TIP no. 1 – HUWAG KAUSAPIN ANG MGA BATA NG PABULOL (kahit bulol sila)
Dahil pag ginawa mo yon dalawa lang puwedeng mangyari..
Its either, lalaki siyang bulol.. o mahahawa ka sa kabululan niya.

PATOTOO:

Eksena: gumagawa ako ng project, nakikigawa rin si Ciara.

Ciara: Mami nasaan na yung korol ko?
Ako: Aba! Malay ko ba sa korol mo. Doon ka nga muna beh, may ginagawa si mami.
(umalis si Ciara)
Ako: Teka beh, nakita mo yng lurel ko?

Hahaha.. kitams. Sabi na sa inyo eh, nakakahawa. Kaya dapat kapag nagsalita siya ng pabulol, ikorek kaagad para kapag nagsalita ka rin ngbulol ikokorek ka rin nila. =)

TIP no. 2 – KAUSAPIN SILA NG MAHINAHON

PATOTOO:

Eksena: nanonood kami ng Channel 2..

Sumigaw si Ciara:

Ciara: MAMI!!!!!!!!! Ilipat mo sa krantuns!!!!!!!!!
Ako: (mahinahon) Teka beh, nanonood pa ko ng balita oh..
Ciara: lipat mo na sabi eh!!!!!!!!!!!!!!...

Eh naasar ako. Sumigaw din ako.

Ako: TEKA NGA SABI DI BA?!!!!!!! BUMILI KA NG TV MO KUNG GUSTO MO!!!!!
Ciara: mami, dahan-dahan lang usap mo..galit ka?...
Ako: (sumisigaw pa rin) EH SUMISIGAW KA KASI EH!!!!
Ciara: PLAK!

Ayun, sinampal ako..

O di ba, dapat hinay hinay lang ang pakikipag-usap kahit super sigaw na sila sayo. Ayun eh kung ayaw mo masampal..


TIP no. 3 – KAPAG NAGTANONG SILA SA INYO, HUWAG KANG MAGBIBIGAY NG SAGOT NA MAY POSIBILIDAD PANG TANUNGAN NG BAKIT.
Dahil kapag ganoon, naku! Ikaw rin ang mahihirapan. Ang mangyayari eh walang katapusang usapan. Lalo ka lang maaasar.

PATOTOO:

Eksena: nanonood kami ni Ciara ng teleserye. Nagtanong siya.

Ciara: Mami ba’t siya naiiyak?
Ako: Eh kasi nag-away sila ng mommy niya.
Ciara: Bakit sila aaway?
Ako: Kasi ayaw ng mommy niya na bad sya..
Ciara: bakit siya Bad?
Ako: Kasi hindi siya umuwi ng maaga..
Ciara: Bakit hindi siya umuwi ng maaga?..

…ayun at nagtuluy-tuloy na ang tanungan. Haha. Medyo kabadtrip yung ganoon. Lalo na kapag katulad ni Ciara ang kausap mo. Pero wais din ako.haha. kapag ganoon, nililihis ko na ang usapan.

Pagpapatuloy..

Mami: kasi nga, hindi mo ba napanood, nagkita sila ng boyfriend nya?..
Ciara: Bakit sila nagkita mami? Ha?..
Mami: (medyo asar na ko kakasagot) Tara, Ciara labas tayo.

Ayun, nagkandarapa ang bata magsuot ng tsinelas. Haha.
Eh di tapos ang usapan.


Tip. No. 4 –KAUSAPIN SILA NG MALINAW AT HUWAG PILOSOPOHIN.
Dahil ang puwedeng kalabasan nun, pipilosopohin ka rin nila. Mas maasar ka.

PATOTOO:

Eksena: Si Ciara bumibili sa tindahan, may 5 piso.
Ciara: Tao po, pabili po (inabot ang pera sa tindera)
Tindera: Ano ‘to?
Ciara: Money yan, money po..


Hahahaha.. =) o di ba?..
(Ang ibig sabihin ng tindera sa Ano ito?..eh kung anong bibilhin nya dun. Hindi naman kasi nilinaw ni ateng tindera, napraning tuloy)

TIP no. 5 – KAPAG KAUSAP SILA, SIGURADUHIN MONG HINDI KA MAGMUMURA.
Ang mga bata kasi huwad pa ang utak sa mga kasamaan,lalo na sa pagmumura. Kapag narinig nila na nagmura ka, at nagandahan sila sa tunog nito, sa malamang maaadopt nila ‘yon.

Paalala: Ng salitang binato mo, maaaring bumalik sayo.

PATOTOO:

Eksena: Si mama, pinapagalitan si Ciara galit nag galit.
Mama: Ikaw talagang bata ka! Wala kang kasing kulit! Letse ka!

Si Ciara tahimik ang nakatingin kay Mama.

Mama: Tapos lagi ka pang umiihi sa kutson, gaga ka talaga! Sa labas kita patulugin eh!.

ISANG ARAW:
Nabitawan ni Mama ang laruan ni Ciara. Nasira. Nagalit si Ciara. Sumigaw.

Ciara: Mama letse ta! Bakit mo sisira toys ko?!!? Ayan na wala na kong toys!! Di na ta bati letse!

(ayon, napalo siya)

O di ba?.. Kaya, be careful with your words..

TIP no. 6 – KAPAG HINDI MO NAMAN MAINTINDIHAN ANG SINASABI NILA, ALAMIN MO KUNG SAAN NILA NAKUHA ‘YON.
Kung baga sa dictionary, eh alamin mo yung origin ng salita para mas maliwanagan ka.

PATOTOO:

Eksena: Si Ciara niyaya ako kumanta. Eh hindi ko naman alam kung ano mga pinagsasabi niya.

CIARA: (kumakanta) SHA TIT..! PA PE PIT! SHA TIT..! PA PE PIT!
AKO: Huh?..ano yun?..
CIARA: Mami, sing ikaw.. SHA TIT..! PA PE PIT!

Si ako naman, huh?..anong kanta ‘yon?..tinanong ko, curious akong nanay eh..

AKO: Ciara, ano yang kinakanta mo?..Saan mo naman napulot yan?..
CIARA: Am, doon, sa Diego mami. Kakanta nila Diego.
AKO: ahhh…

Eh ako, siyempre gusto ko makarelate kay Ciara, pinanood ko yung Diego.. haha. Takte ang tagal. Kalahating oras na yata akong nanonood. Pinagloloko lang yata ako ni Ciara sa isip-isip ko. Maya-maya may lumabas na Camera! Kumanta! Gotcha!!!.. kinanta nga dun..haha. At eto ang totoong phrase ng kinakanta ni Ciara.

CAMERA: (kumakanta) “SAY CLICK..! TAKE A PIC!”

Haha. Oha.oha ang galing ko!. Kaya nung pinilit niya kong kumanta uli at pag-usapan yon, nakarelate na ko. Yun nga lang dapat mahaba pasensya mo sa paghahanap kung saan nila nakuha yung mga words na pinagsasabi nila.

TIP no. 7 – HUWAG MALISYOSO (GREEN MINDED)
Tandaan nyo na ang mga bata, matino ang utak nyan sa kamunduhan. Walang muwang. Kaya kapag kinakausap natin sila, huwag tayong maging green minded. Dahil kung ganoon, naku..mapapahiya ka lang.

PATOTOO:

Eksena: si Ciara, Rap-Rap (pamangkin kong 5 yrs.old), Loraine (pamangkin kong 1yr.old), naghaharutan sila sa sofa. Tawa ng tawa ang mga bata. Biglang may sumigaw!.
Nagulat ako.

LORAINE: Awak titi!! Awak titi!!

Napatingin ako. Sa isip isip ko anong klaseng bata ‘to, ang bastos.

AKO: hoy! Tigil nyo na yan!
CIARA: Mami wait, pi-play lang kami ni raine.

Biglang may sumigaw uli;
LORAINE: Rap!!Awak titi!! Awak titi!!
AKO: Loraine, ang bastos ng bibig ah.. bad yan.. (napatingin ang tatlo sa akin)

Tinawag ko si ate,para pagsabihan si Loraine.

AKO: Ate! Ano ba tong bibig ng anak mo, ang bastos! Anu-ano tinuturo mo dito. Hawak titi daw oh!!
ATE: Tanga! Anong hawak titi?..sabi niya HUWAG KILITI. Utak neto..libog mo.

Natawa na lang kami ni ate.

Hahahaha.. +taas kamay+ sori naman. Eh ayun pagkakaintindi ko eh. Kaya dapat malinis utak natin, tama mga bata sila. Wala silang alam sa ganoon. Tayo lang meron. Haha. Linisin ang pag-iisip kung ayaw mong mapahiya sa harap ng mga bata. =)

TIP no. 8 – PAG-ARALAN ANG MGA BAGONG TERM NA ALAM NG MGA BATA, PARA MAS MAINTINDIHAN SILA.
Iba ang panahon natin, sa panahon ng mga bata ngayon. Marami na silang alam na term na hindi itinuro sa atin noong mga bata pa tayo. O di naman kaya, may mga bago na silang alam na term na iba sa alam natin.
Halimbawa: gift,ngayon present na ang tawag nila dito.

Meron pa, ndi lang yan.

PATOTOO:
Eksena: binilihan ko ng magic wand si Ciara. Nag-usap kami at naglaro.

CIARA: mami, ikaw magiging frog! (sabay kumpas sa wand)
AKO: KOKAK!KOKAK!
CIARA: (nagalit) no mami!! Mali!! Hindi danyan!! Say RIBBIT!! RIBBIT!!
AKO: ah..ganoon ba yon?.. e di ribit! Ribit!
CIARA: ikaw magiging dog!
AKO: AW! AW! AW! AW!
CIARA: no mami!! Mali uli!! ARF!! ARF!!
At ito pa ang iba.
BIRD – sabi ko TWIT! TWIT! Sabi naman niya CHIRP! CHIRP!
HORSE _ sabi ko YATIGIDIGTIGIDIG!! Sabi naman niya HIIII YAAHH!!
MONKEY – sabi ko HU!HU!HU! Sabi naman niya HUU HUU HAA HAA!!

Hanggang sa lahat ng sinabi nyang sounds ng mga hayop eh wala akong naitama ni isa. Malay ko ba na ganoon na pala yon ngayon. Haha. Ayon, umiyak siya, hindi yata na-enjoy yung laro. Pahiya ako. Kaya kung ako sa inyo, pag-aralan nyo para hindi kayo magmukhang tanga.

TIP no. 8 – MAGING HANDA SA MGA TANONG NILA.
Di nga ba, may kasabihan na halos lahat ng bata, eh matanong, lahat itatanong niyan. Curious eh, lahat gustong malaman. Kaya dapat maging handa ka, kung hindi, naku. Olats ka sa paningin nila. Ibig sabihin wala kang kwenta. O kaya, kapag wala kang maisagot sa tanong nila, baka sila humanap ng sagot para doon, at baka magulat ka sa sagot nila.

PATOTOO:

Eksena: Galing ako sa labas, bumili ako ng modess.

CIARA: Mami, ano yan?..
AKO: napkin beh..
CIARA: tingin..
AKO: pinakita ko, (dalawa)
CIARA: bakit dalawa?..
AKO: sympre..basta! (Hindi ko alam sasagot ko, bakit nga ba dalawa binili ko?..haha)
CIARA: ahh.. mami, dalawa p_p_ mo?..

Ngak. Hahaha..ayos ‘tong batang to ah. O di ba kagulat?.. =p

TIP no. 9 – ILAGAY SA UTAK MO NA ANG MGA BATA AY MAGALING MAGDAHILAN. KAYA DAPAT MGALING KA RIN. =)
Mag-imbento ka ng kwento kung kailangan. Ayun eh kung gusto mo lang naman na magkaintindihan kayo at sundin ka niya sa lahat ng sasabihin mo.

Eksena: si Ciara ngumunguya ng bubble gum. Biglang nilunok. Nahuli siya ng kapatid ng gf ng kuya ko. (ha?..gets mo?)

CHARITY: hala Ciara, huwag mong lunukin yung bubble gum. Maiipon yan sa tiyan mo.
CIARA: eee..wag tatapon sayang eh..mahal bili dito sa mamol gum.
(hanggang makaubos siya ng 5 bubble gum.Nilulunok lahat)

Naknang. Natameme si Charity. Hehe. Hindi yata alam idadahilan kung bakit bawal lunukin. Oo nga naman, kasi may point din si Ciara,sayang nga naman. Gosh. Galing magdahilan ng bata. Kinabukasan, sinumbong sa’kin. Tamang tama ngumunguya uli siya ng bubble gum.

AKO: hoy Ciara, iluwa mo yang bubble gum pag wala ng tamis. Huwag mong lunukin.
CIARA: no, mami, sayang yung ano..yung mamol gum..(nilunok nya yung nginunguya nya. At kunwari dumighay pa siya. Pinapakita na hindi nasayang yung bubble gum dahil nabusog siya)
AKO: anong sayang ka diyan?..kapag ayan, nilunok mo magiging mamol monster (bubble monster) yan sa tiyan mo. Sige ka, gusto mo yon???!!..

Natakot ang bata.

Ayun, kaya simula ngayon, hindi na siya makapagdahilan ng ganon. Galing ko. Haha. Salamat sa MAMOL MONSTER. =)

TIP no. 10 – KAPAG AYAW NILANG PAG-USAPAN ANG ISANG TOPIC, HUWAG IPILIT.
Giyera ang kalalabasan.

PATOTOO:

Eksena: Nagtetext ako, pumasok si Ciara. Ang dumi ng damit. Umupo siya sa sahig namin.

AKO: Ciara,halika, may tatanong ako sayo.. bakit ang dumi ng damit mo, nadapa ka ba?.. anong nangyari?..ha?..
CIARA: wala mami.
AKO: ano nga?..eh ba’t ang dumi mo?..
CIARA: wala nga iiiiihhh…wag mo na nga ako uusap mami..
AKO: tignan mo para kang pulubi siguro nadapa ka no?...
CIARA: (sumigaw) hindi nga iiihhh!!!!wala!!! wala!!! Wala!!! Waaaalaaaaaa!!!!!!!!!!!!!

Ayun. Nagwala ang bata. Hinablot ang cp ko.. tinapon! Naknang. Ang bait!

CIARA: sabi ng wag na uusap eh.. wag na!! Wag na!! Wag na!!!

Isang oras din atang nagwala yon.Ang hirap patigilin. Sabi ko nga ayaw nya yon pag-usapan, tsk.tsk. kaya kayo, wag na kayo magpumilit kapag ganoon, kung ayaw nyong masira fone nyo..














--more tips next tym.haha.